Diarpora

Luan Krasniqi është bërë baba

shqiptarka — Sun, 03 May 2009 19:04:13 GMT

Boksieri profesionist, Luan Krasniqi, është bërë baba për herë të parë, njofton Top Channel.

“Jam jashtëzakonisht shumë i gëzuar. Tashmë në jetën tonë ka hyrë një engjëll flokëverdhë dhe lindja e vajzës sime është më e rëndësishme se çdo fitore”, ka thënë boksieri kosovar.

Vajza dhe bashkëshortja e tij, Sueda, janë mire me shëndet dhe tani ata do të kthehen në shtëpinë e tyre në Rotvajl. “Unë po shijoj çdo moment me familjen time të re”, shprehet Krasniqi.

Përveç të qenit baba i mire, ai është i përqendruar edhe te karriera e tij dhe shpreson për një rikthim në ring.

“Stërvitem çdo dite dhe dua të bëj një ndeshje këtë vit kundër një boksieri të mirë”, shton boksieri i peshave të rënda.

Nora realizon këngë të re

shqiptarka — Sun, 03 May 2009 19:02:46 GMT

Këngëtarja Nora Istrefi këngëtarja ka realizuar së fundi këngën me titull “Vetëm mua”, e cila vjen pas hit-këngëve "Një botë tjetër" dhe "Pa fat".

“Vetëm mua” është autorësi e kantautorit shqiptar, Florian Mumajesi. Kjo është hera e tretë që Nora bashkëpunon me këtë kantautor pas bashkëpunimit që ka pasur në albumin e saj të fundit, për të cilin Flori i kishte realizuar tri këngë.

Videoklipi i këngës “Vetëm mua” është realizuar nga produksioni vendor “Entermedia”.

Për më shumë, Nora Istrefi është një nga kandidatët e sivjetshëm të “Video Festit Muzikor”. Me videoklipin “Another World”, ajo është nominuar në kategorinë për videoklipin më të mirë në konkurrencën R’n’B, ndërsa me atë “Pa fat” është nominuar për videoklipin më të mirë në zhanrin pop-folk.

Nora është po ashtu pjesëmarrëse në edicionin e gjashtë të festivalit “Top Fest” ku është paraqitur me baladën “Keq u pafshim”, për realizimin e të cilës ka punuar me treshen: Aida Baraku, Armend Rexhepagiqi dhe Darko Dimitrov. Nora në “Top Fest 6” është nominuar vetëm në kategorinë “Best Female”.

Videoklipi i këngës “Vetëm mua”:

Ëndrra ime të bëj duet me Beyoncen

shqiptarka — Sun, 03 May 2009 19:00:34 GMT

Blero ka shpalosur së fundi ëndrrën prej kohësh, realizimin e një dueti me këngëtaren e famshme amerikane Beyonce Knowles.

“Ëndrra ime është të bëj një duet me Beyonce-n”, ka thënë këngëtari në një intervistë dhënë shtojcës “Bluetooth” të Gazetës Shqiptare.

Blero ka qëndruar ditëve të fundit në Tiranë, për siç, ka thënë ai, arsye private. Por, edhe për t’i bërë marketing këngës së tij “Nuk më deshte”, me të cilën është kualifikuar për finalen e madhe të “Top Fest 6”.

Lidhur me çmimin, këngëtari, ka thënë se për të më i rëndësishëm sesa çmimi është pjesëmarrja në një festival, siç është Top Festi dhe të qenit pranë fansave, deklaratë kjo që tashmë është shndërruar në refren të shpeshtë të një pjese të konsiderueshme këngëtarësh.

Moza i ankohet Adelës: Do kemi shumë probleme jashtë

shqiptarka — Sun, 03 May 2009 18:57:42 GMT

Refuzimi i Adelës ndaj Bjordit është kthyer në motiv batutash dhe shakash brenda shtëpisë.
Dënimi që “Vëllai i Madh” u ka dhënë banorëve, duke i lidhur në grupe për dore, është kthyer edhe në një moment argëtimi. Më pas gjithçka i është kthyer normalitetit. Çiftet kanë pasur mundësi që të rrinë bashkë, ndërsa të tjerë kanë diskutuar mbi nominimet, personat që mund të dalin këtë të shtunë dhe ata që mund të shkojnë në finale.

Mijëra ngushëllime për Danin

shqiptarka — Sun, 19 Apr 2009 18:48:35 GMT

Ai kishte ndërprerë aktivitetet muzikore prej 3 janarit të këtij viti, për tu gjendur pranë bashkëshortes në një nga klinikat më prestigjioze të Brukselit.

Pas vdekjes së gruas, ai tanimë është kthyer në vendlindjen e tij në Pejë së bashku me 3 vajzat dhe djalin.

Tani për tani është gjithçka herët për tu thënë, se a do të vazhdojë ky njeri karrierën, vetëm se dihet që mijëra adhurues i kanë dhënë shtytje e forcë për ti përballuar këto ditë pikëllimi.

Rrethi i tij i ngushtë i miqve dhe shokëve kanë kërkuar nga Dani që të vazhdojë rrugën e këngës, meqenëse si njeri profesionist, ai i duhet këngës dhe kënga është e vetmja zeje që Dani di ta bëjë më së miri.

Megjithatë vendimin final për të vazhduar ose jo me këngën, siç kemi mësuar, Dani do ta ndajë me fëmijët, tre vajzat dhe djalin Andin.

Bigi mohon të ketë të dashur

shqiptarka — Sun, 19 Apr 2009 18:46:47 GMT

Këngëtarja nga Maqedonia, Big Mama, e cila së fundmi ka qenë pjesë e spekulimeve për një dashuri të mundshme, ka thënë se asgjë nga këto nuk janë të vërteta.

“Kam dëgjuar për veten time kinse paskam bërë të dashur pikërisht në ditëlindjen time me një djalosh nga Shkupi, të cilin e kam adhurues dhe asgjë më shumë”.

“E vërteta është se në mes nesh nuk ka pasur dhe nuk ka dashuri. Këto janë vetëm spekulime dhe unë atë nuk e kam të dashur”, ka shpjeguar këngëtarja.

Rovena Nuk është e dashuruar

shqiptarka — Sun, 19 Apr 2009 18:45:31 GMT

Nuk është e dashuruar, por mendon se dashuria është gjëja më e bukur që mund t’i ndodhë njeriut. Sipas saj, njerëzit janë lindur për dashuri, se dashuria është ajri që ato thithin, është natyra e qetë, është uji i burimit me ngjyrën e pastër si kristali, është flaka e vullkanit. Ndjenjat më të mëdha t’i jep dashuria, ajo të jep forcë dhe energji për të jetuar dhe për të vazhduar dhe përballuar sfidat e jetës.

Zajmina flet për këngën e re, por jo për të dashurin

shqiptarka — Sun, 19 Apr 2009 18:42:23 GMT

Si mania e gjithë të rinjve, edhe ajo është pasionuar shumë duke kaluar shumë kohë (aq sa ka të lirë) në internet, në ‘Facebook’. E pikërisht këtu ka lindur dhe frymëzimi për të krijuar një këngë të re e cila e ka ndryshuar si në pamje ashtu edhe në performanca. Kështu shfaqet këtë herë Zajmina, me një bashkëpunim të ri me Flori Mumajesin dhe Big Bastën. Shumë kënaqësi por edhe momente delikate i kanë falur këngëtares xhirimet e klipit më të fundit. Zajmina tashmë e ndjen veten më të rritur profesionalisht por jo vetëm dhe në këtë intervistë ajo rrëfen të rejat më të fundit edhe për jetën private.

Ronaldo i dyti më i popullarizuar pas Obamës

shqiptarka — Sun, 19 Apr 2009 18:41:01 GMT

Profili i yllit të Manchester United, Cristiano Ronaldos, është duke u popullarizuar me të madhe edhe në Shtet e Bashkuara të Amerikës.

Së fundi raportohet se Ronaldo është i dytë për nga popullariteti në Facebook, menjëherë pas presidentit amerikan Barack Obama.

Futbollisti më i Mirë i Vitit është më i popullzuar në Facebook se të gjithë aktorët e Hollywoodit dhe yjet e muzikës.

Obama ka 6 milionë e 151 mijë e 516 përkrahës në Facebook, derisa Ronaldo është personaliteti i dytë më i popullarizuar me 2 milionë e 833 mijë e 413 fansa.